黐线仔MSN分局

特意写出嚟同大家互勉～

When I wake up this morning,I find（呢句用英文写好有feel）宿舍得翻一度电。（其实寻晚瞓嘅时候都係得翻一度～）咁宿舍又得翻我一个。当时差唔多10点，其实我有两个选择，一係立即拿张水电卡去买电然后翻嚟用；二係挨到11点先去充值顺便食饭。咁我个人就懒嘅，兼且赶住开工，所以我选择用呢度（其实係两度）电挨到11点，得1个钟啫。好喇，本月最傻嘿事件开始了。

当我开机打开个word，arocbat同金山词霸等住开工嘅时候……我选择听翻首歌……10分钟后，听完了。于是我就收拾心情开工啦。点知响呢个时候……[be]（用国际音标读）一声突然断电。乜之前唔係用到0度都算一度电嘅咩？“Your fcuking Liar！”我不禁悲从心来。

好啦，逼住去买电了。其实呢係唔使买嘅，因为之直系师兄搬翻本部，畀咗张证明我地，叫我地转佢地宿舍剩下嘅电用。咁我就那那林响同学个位度拿咗张水电卡同证明，准备去转电了。
咁人就肯定有好奇心嘅，睇住个不停闪动嘅电表我就好有拿张水电卡去插吓佢嘅冲动。一时忍唔住，我就真係拿咗张卡去插佢了。之前就见我室友插到佢闪吓闪吓好过瘾，咦，点解我插入去咁松动嘅？大力插一插，响我意识到something is wrong之前，张卡跌咗入个电表！！！！扑街喇～～～～

镇定落嚟之后，我认真观察吓个电表，原来插入去嘅时候要对准电表盖下面条“瘌”先得嘅，而条“瘌”隔离係一条好大大大嘅“瘌”！而我个卡就跌咗入条大大大“瘌”度！好彩个盖係用四粒螺丝固定响度，so，如果拧开螺丝拿开个盖就可以拿翻长卡出嚟啦～～

大事不妙嘅係，左边两粒螺丝好快就拧咗落嚟了。而右边两粒……唔好意思，畀个大柜档住咗！！！！个螺丝批插唔正拧唔开！！！我试过用肉体想移开个大柜，最终发现係晒气，重到扑街咁。点算啊…………唔通话畀人听个水电卡跌咗入条“瘌”度？但係我要用电啊！！！后来我发现个盖有少少韧性（铁嚟嘎，韧性……），于是夹硬响左边用手拗开咗个盖…………真係好神奇，咁都拗得开。跟住出动秘密武器……把梳，响原来盖上面插卡嘅位置插咗落去猛咁撩，首先係将张卡撩落下面，然后忍住巨痛用只手伸入拗开条瘌度将张卡撩翻出嚟！！！

OK。以为事情告一段落啦。去到水电中心，畀张证明个姐姐仔睇，话畀佢听我想转电。点知佢话张证明写错咗！师兄分明就係住C14，张证明写咗C17，而且房号明显错埋！边个扑街写嘎？个姐姐仔就问我啦，“你师兄住边间啊”吓，我净係记得个位置唔记得个房号喔……“咁你师兄叫乜名啊？”吓，唔记得咗喔……我真係唔记得吖嘛！于是结果用屎忽都可以谂到啦，边个肯同你转。临走嘅时候，姐姐仔仲同我讲，你张卡未去插水表啊～～吓，乜水表都要插嘎？你唔早讲！“张说明有写嘎～～”啊，好似係喔……

扎扎林翻C14，同宿管姐姐讲翻件事。佢话，你师兄住边度啊？“唔知……但我可以带你去睇……”结果係我自己跑咗上二楼睇，先知原来係202！佢就立即打电话叫写证明个维修工过嚟。同时我就话啦，我上去插吓个水表先，佢居然话，你有锁匙咩？喂，我住呢栋楼嘎老细，日日行出行入冇同你倾计啫，我都有畀个灿烂笑容你睇睇嘎～唔理咁多，上楼插吓个水表先。跟住落楼证明佬都嚟了，搞掂～～

再次去水电中心嘅时候都11点几了，遇到旭锋，谂住同佢一齐食饭啦，但係，我发觉……唔记得咗带饭卡！！！乜心情都冇晒，最终买个即食面翻宿舍告终。

话说去大城一个月内消费三次，每次60蚊以上就可以获得一张会员卡。凭这张烂鬼会员卡就可以每到菜“实惠”2-3大元不等。所以……我去申请了张记录小卡片准备申请～

最上一次去是9月10号，所以今日最后一日啦。今晚本来约傻敏去，不过经过一波三折后她是以回家告终。so～好彩乞衣肯陪我去，lucky～～

不过一路上波澜四起，我走内环去啦。经过中大饭堂时一个庞大的身影向我走过来－－居然是细K！

她叫住我，我问“食饭未？”得到否定回答后我就一手拉住佢去食了。路上打电话给刘青云，可惜没空！

今晚晚饭不错啦，最好都是个照烧鸡扒。不过饮料都是一如既往地差！！！！差！！！！下次都唔饮！！

仲有今日唔知乜鬼事食乜or乜，shit！

刚刚可以上网，发帖留念～～

今日打算早上早点去注册嘅。
点知……一瞓瞓到十二点。=.=

下午两点带住阿妈浩浩荡荡向华工出发了～～
部35唔算好塞，一个几钟头去到。
本来话第二饭堂报到，点知变咗体育馆，于是又跑过去。
以为好耐，点知一阵搞掂，看来下午去还是有策略的。
仲趁机去申请英语免修，畀个姐姐话我六级听力高（134/142）～～
但係我话：未就係得个听力高咋嘛！
于是佢话：我未考过呢个试！无语……

之后领临时一卡通，没想到排一阵队之后领到一张没钱嘅临时卡。
我拿嚟就係想食饭咋嘛，依家又冇得入钱，我拿嚟托啊？？

跟住去宿舍，抹床抹剩。
最终以畀玻璃介损两只手指告终……十足十人地介手指写血书！

同椿爷搭地铁翻，终于选择响公园前转线，转少一次。
跟住同阿妈去中华食友和寿司，人地计少我地12蚊。

呃……

计一计剩下不够7日就要投入华工的大～怀抱了，很久没有认真学习咯，有点儿紧张添！
响百度华工个帖吧发现人地话华工净係得男人，因为佢叫华“公”吖嘛。
所以将QQ签名改咗做“华公，我嚟紧喇～～～”

话说前个星期接咗翻译嘅job，本来1w字左右打算做1个星期。
但是由于我选择了分成两part的部分，所以上下两part都接晒。睇word统计大概2w3字度啦，心谂两个星期做晒OK嘅～
点知开工就赖嘢喇，原来篇嘢由pdf转过来，中间有好多图表直接用截图代替。而每个图表都好重要。
天，这意味住：
1.要将每个图表的内容译出来。
2.译好之后画翻个同原图差唔多嘅图表，将译文填进去。 orz
3.有大概30%是这样的图表，图表里面的字又细。翻译字数50% up～～
预计要今个星期4之前交货哦，所以呢几日要冲刺了。

但是呢，屋企话要搬嘅事这几日又被提出，所以呢段时间都要去开吓会，或者睇吓楼，甚至执吓嘢咁啦。
讲到执嘢，都係时候执定去华“公”喇～～～

今日係师傅生日啊，本来lys叫我地去文明路V-Plus，去到点知执咗，又去咗ten two啦。

原先得我、师傅、lys、cy同刘昱5个人，不过后来lys打电话畀邓燕A，佢话又有5个人嚟。
cy同刘昱都揾咗好耐先揾到，最衰就係lys～～
后来阿A嚟啦，原来仲有大嫂、妖精、陈俊同忍者，好多人都冇见好耐了。

开饭啦，姨姨个饭超多，而妖精个饭又超少，对比真係大。
食完饭大家就玩影相啦，有几个咸湿佬就睇人地model近乎无上装行show……

走嘅时候师傅陪我行翻屋企哦，真係好多谢师傅～～
再祝你生日快乐～～～

由于之前一条问kiNo要唔要接job嘅短信，使佢揾翻我个手机num，咁啱就叫咗我去帮手买相机了。

去到海印，直奔3F Canon专卖，原来kino畀我做得仲多功课。
不过佢就唔知买边款，IXUS 70、75定950 IS。
拣一大轮都唔知买边部好，仲用唔同相机影同一个地方，搞到个姐姐面露愠色。
顺便一提个sales姐姐真係唔专业，当我地水鱼咁，见到来来有少少想要边部就sale边部。
前后可以先把950吹到天上有地下无，之后又话其实呢功能差唔多。
仲一度想水我添，我又唔好意思驳斥，只好笑……
最后来来都係买咗部70嘅，姐姐又想水我地买电池同记忆卡喔，梗係唔畀佢水啦。

落楼下见到一间铺几合眼，就买咗张Toshiba嘅2G SD卡，同一块品胜嘅电池。
期间来来仲以为乞衣翻咗广州，直接打佢电话……

买完来来就请我食ten two啦，啱啱好遇上hi tea仲未结束（其实5点啦，仲hi tea）。
我地就点咗两个下午茶餐啦，期间kino仲想食埋晚饭，于是点多个……
跟住少不免要试相机啦，佢都觉得唔错，省咗钱喔～～
我地仲倾咗好多话题啊，譬如话我同代店长嘅矛盾啦，佢依家嘅工作情况啦～～
觉得大家嘅话题已经唔係当年嘅讲人八卦同去边度玩，大家都大个喇

7点几要走了，翻到屋企居然发现HK挂八号风球，orz

补两张相先～～ at ten two……

me                                                奇奴